حامد کرزی: پاکستان دې د کشمیر مسئله له افغان سولې سره نه تړي

د امریکا او طالبانو ترمنځ د سولې هوکړې په اړه دې هند له احتیاط کار واخلي. پخواني ولسمشر حامد کرزي په نوي ډهلي کې له لوړپوړو هندي چارواکو سره د لیدنې پر مهال ویلي، د طالبانو او امریکا ترمنځ د سولې هوکړه حساسه ده او هند ته په کار ده چې په دې مسئله کې له پوره احتیاط کار واخلي. دده په وینا پاکستان هڅه کوي د سولې پروسه په خپل واک کې ولري او همدا راز د کشمیر مسئله او افغان سوله سره وتړي. هغه زیاته کړې پاکستان باید په دې پوه شي چې د کشمیر مسئله او افغان سوله هېڅ راز اړیکه نه لري او د پاکستان دغه ډول کړنې د هېچا په ګټه نه دي. هندۍ دې هندو ورځپاڼه لیکي پخواني ولسمشر حامد کرزي له هند غوښتي چې د افغان سولې په برخه کې خپله همکاري ډېره کړي او په دې توګه سیمې ته دایمي امن او ثبات راولي.