ګارډين: د امریکا اوسنۍ بېړه ډېر خلک زیانمن کولی شي

که غرب د افغان حکومت له ملاتړه لاس واخلي، نو خلک به ډېر زیانمن شي. ګارډین ورځپاڼې په یوه مطلب کې د افغانستان د سولې روانو هڅو ته اشاره کړې ده. ورځپاڼه په خپل مطلب کې لیکي چې امریکا د سولې او له افغانستان د بهرنیو ځواکونو د وتلو په مسئله کې له بېړې کار اخلي او ښايي ددغه هېواد تېر تاریخ تکرار کړي. د سرچینې په خبره که امریکا له دقت کار وا نه خلي او همداسې هر څه په بېړه مخ ته یوسي نو له دې مسئلې به ډېر خلک زیانمن کړي. ګارډین لیکي امریکا او طالبانو مخامخ خبرې پيل کړې دي خو د میاشتو په تېرېدو ددغه خبرو پایله نه ده روښانه شوې نو ځکه خو د خلکو اندېښنې هم ډېرې شوې دي. دغه برېتانوۍ ورځپاڼه لیکي امریکا ته په کار ده چې له طالبانو سره خبرې په دقت مخ ته یوسي او د بېړې پر ځای په حوصلې او له پوره ارزونې وروسته پرېکړه وکړي.