خلیزاد په کابل کې له سیاسیونو سره لیده کاته پيل کړي دي

د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد کابل ته راغلی دی. نوموړي په کابل کې د یو شمېر سیاسي ګوندونو له استازو او مشرانو سره کتلي دي او ټاکل شوې چې دغه لیدنې به ادامه پیدا کړي. خلیلزاد به له پخواني ولسمشر حامد کرزي، اجرایه رییس او د جمعیت ګوند له مشر صلاح الدین رباني، حکومتي مشرانو، د سولې په چارو کې له فعالینو او نورو سیاسي څېرو سره لیده کاته ولري. خلیلزاد تر دې وړاندې بروکسل او مسکو ته هم سفرونه کړي وو. نوموړي له اروپايي ټولنې سره په ګډه یو پرېکړه لیک هم خپور کړ چې په هغه کې یې د افغانستان پر سوله، اوربند او سیاسي مذاکراتو ټینګار کړی دی.