هندي رسنۍ: امریکايي او افغان ځواکونه په شمالي وزیرستان کې عملیات پیلوي

دامريکا ځانګړو ځواکونو يوه ۸۰۰ کسيزه ډله به له د افغانستان له ملي امنیت ځواکونو سر يوځای شي چې شمېر یې ۲۹۰۰ تنه کيږي او ډير ژر به د پاکستان په شمالي، جنوبي وزیرستان او خیبر پښتونخوا کې عمليات پيل کړي. هندۍ ټوډې ورځپاڼې د امريکایي استخباراتو د يوه لوړپوړي چارواکي له خولې ليکلي چې دامريکا اوافغانستان استخباراتی ټيمونه په دې کارکوي چې دسولې له خبرو سره جوخت حقاني شبکه په نښه او له منځه يوسي، ددې قطعې د جوړېدو لپاره لومړنۍ طرحه منظوره شوې او د اوس لپاره یې په تشکيلاتو اوبودجې کار روان دی. داسې ويل کيږي چې دغه ډله به تر ۲۰ اپاچي، ۱۰ کشفي، او ۵ جيټ الوتکې ولري او دپاکستان سره د ډيورنډ په فرضی کرښه کې به ميشت شي. د جيټ الوتکو لپاره د باګرام هوايي ډګر، اپاچي اوکشفي الوتکو لپاره به په مومند دره، خوست او ځینی نورو سيمو او ولايتونو کې واړه ميدانونه چې د سيمی په کچه به پرمختللې وي جوړ شي. سره ددې چې ټرمپ له دغه کارسره کلک مخالفت ښودلې خو امريکا یي څارګره ډله وايي ترڅو چې په پاکستان کې افراطی ډلي له منځه ولاړه نشي افغانستان کې سوله ناممکنه ده.