هرات کې سږکال د انګورو حاصلات ۳۳ سلنه کم شوي

د هرات د کرنې، اوبولګولو او مالدارۍ ریاست مسوولین وايي، چې سږکال په یاد ولایت کې  د انګورو حاصلات ۳۳ سلنه کم شوي دي. د هرات د کرنې، اوبولګولو او مالدارۍ ریاست د کرنیزو چارو آمر بشیراحمد احمدي وايي، چې د سختې سړې هوا او د اوبو د کمښت له کبله د میوو او غلو په حاصلاتو کې ۸۰ سلنه کموالی راغلی دی، همدارنګه زیاته یې کړه چې سږکال د انګورو حاصلات ۱۰۰ زرو ټنو ته رسېدلي په داسې حال کې چې تېرکال ۱۵۰ زره ټنه وه چې دا شمېر ۳۳ سلنه کموالی ښيي. نوموړي په هرات کې د معیاري د ممیزو لپاره ۱۳۵۰ خونې جوړې شوې چې ممیز تولیدوي. د یادونې وړده، چې دغه ولایت ۴۸ ډوله انګور او ۱۲ زره هکټاره د انګورو بڼونه لري.