د افغانستان برېښنا شرکت د تېر حکومت له ځینو چارواکو د برېښنا له اړخه د ۱۹۵ میلیونه افغانیو پور له راټولولو خبر ورکوي. د دغه شرکت ویاند زیاتوي، د برېښنا د پورونو د راټولولو بهیر همداراز دوام لري. په همدې حال کې د پلازمېنې یو شمېر اوسېدونکي د تېر حکومت له چارواکو د برېښنا پورونو اخیستو ته خوښ دي؛ خو غوښتنه کوي چې دا پیسې باید د برېښنا په برخه کې پر پانګونې ولګول شي. دوی د برېښنا له شرکت هم غوښتنه کوي، چې د هېوادوالو اقتصادي ستونزو ته په کتو د برېښنا بیه کمه کړي. د اقتصادي چارو شنونکي هم ټینګار کوي، چې برېښنا شرکت باید په هېواد کې د برېښنا تولید لپاره په مختلفو برخو کې پانګونه وکړي.
برېښنا شرکت ۱۹۵ میلیونه افغانۍ پور راټول کړی
Get real time update about this post categories directly on your device, subscribe now.
- Trending
- Comments
- Latest
