بهرنیو چارو وزارت: تېر کال د افغانستان امنیت او اقتصاد بې‌ساری و

د بهرنیو چارو وزارت د اطلاعاتو او عامه اړیکو رییس حافظ ضیا احمد تکل ویلي، چې په هېواد د حاکم اسلامي نظام تر چتر لاندې تېر کال د افغانستان لپاره د ښه امنیت او اقتصادي ودې له پلوه د تېرو پنځو لسیزو په پرتله بې‌ساری و. تکل ویلي؛ د ټول هېواد په کچه بشپړ امنیت ټینګ شو، اداري فساد په عملي ډول مهار شو، اقتصادي ثبات رامنځته شو، ملي عواید زیات شول او پر ځان‌بساینې تمرکز پیاوړی شو، د زیربنایي پروژو د پلي کېدو بهیر چټک او د سیمه‌ییزو او نړۍوالو اقتصادي اړیکو پراختیا ته زمینه برابره شوه. هغه دغه همدا راز همداراز ویلي، چې اسلامي امارت وتوانېد چې له سیمې او نړۍ سره ډيپلوتیکې اړېکې وغوړوي، په هېواد حاکمیت، ملي ګټې او سیاسي ثبات خوندي کړي او افغانستان د مثبت بدلون پر لور رهبري کړي.