سرې میاشتې ټولنې ننګرهار او پروان کې سلګونه کورنیو ته خوراکي توکي وېشلي

د افغاني سرې میاشتې ټولنې پر خپله اېکس پاڼه لیکلي، چې په ننګرهار او پروان ولایتونو کې یې پر ۲۱۴۰ کورنیو باندې ۲۶۰ ټنه خوراکي او غېر خوراکي توکي وېشلي دي. سرچینې ویلي، چې د پروان په کوه‌صافي، سیدخېل، جبل‌السراج او سالنګ ولسوالیو کې یې له ګاونډیو هېوادونو څخه پر تازه راستنو شویو ۱۰۰۰ کورنیو باندې د بېړنۍ مرستې په توګه ۸۵،۵ ټنه خوراکي او غېر خوراکي توکي ویشلي دي. یادې ادارې په یوې جلا خبرپاڼه کې ویلي، چې د چهارشنبې په ورځ یې د ننګرهار ولایت د دره‌نور ولسوالۍ په بېلابېلو سیمو کې هم پر ۱۱۴۰ زلزله‌ځپلو کورنیو باندې ۱۷۴ ټنه خوراکي توکي وېشلي دي.