د بهرنيو چارو وزارت خبر ورکړی، چې د دغه وزارت وزیر مولوي امير خان متقي او د عمان د بهرنيو چارو وزير بدر بن حمد البوسعيدي ټلیفوني خبرې کړې دي. د سرچینې د مالوماتو له مخې په دې خبرو کې د افغانستان او عمان پر دوه اړخيزو اړيکو، د دواړو هېوادونو ترمنځ د سوداګريزو، ټرانزیټي او ترانسپورتي همکاريو د پراختيا په تړاو هر اړخیزې خبرې شوې دي. مولوي امیرخان متقي په دې ټلیفوني خبرو کې خپل عماني سيال ته کابل ته د سفر بلنه ورکړه او د دواړو هېوادونو ترمنځ یې په لوړه کچه سلا مشورې گټورې وبللې. د عمان د بهرنيو چارو وزير د دواړو هېوادونو ترمنځ د پلاوو تګ – راتګ د همکاريو د پراختيا لپاره مهم وباله او ویې ویل،چې په نږدې راتلونکي کې به د عمان د هوايي چلند تخنيکي پلاوی کابل ته سفر وکړي.
مولوي امیر خان متقي له خپل عماني سیال سره ټلیفوني خبرې کړې
Get real time update about this post categories directly on your device, subscribe now.
- Trending
- Comments
- Latest
