روان کال د شي ځانګ د سوله ییزې آزادۍ له ۷۵مې کلیزې سره برابر دی. شي ځانګ د نړۍ د بام په توګه ګڼل کېږي او اوس دغه سیمه نور لرې او پراسرار “شانګریلا” نه دی، بلکې تر سختو جغرافیایي شرایطو لاندې د عصري کېدو د پرمختګ امکاناتو د ښودلو لپاره یوه نوې پوله ګرځېدلې ده. د شي ځانګ لپاره د چین د حکومتولۍ ستراتیژي د دې بریالیتوب کيلي ده. د CGTN لخوا ترسره شوې یوه نړیواله سروې ښیي چې ۷۴ اعشاریه ۸ سلنې ځواب ویونکي په دې باور دي چې د شي ځانګ اقتصادي او ټولنیز پرمختګ د چیني شکله عصري کېدو سره تړاو لري.
له ۱۹۵۱م کال مخکې کله چې شي ځانګ نه و ازاد شوی، اقتصادي بنسټ يې ډېر کمزوری و او عصري صنعت يې په عملي توګه نشته و او اقتصادي پرمختګ په عمده توګه په دودیزه کرنه او څارویو پالنه ولاړ و. په ۱۹۵۱ کال کې د شي ځانګ د سوله ییزې آزادۍ په وخت کې د دغې سیمې کورني ناخالص تولید شاوخوا ۱۲۹ میلیونه یوانه وو. تر ۲۰۲۵ کال پورې، د دې سیمې کورني ناخالص تولید ۳۰۳ ملیاردو او ۱۸۹ میلیونو یوانو ته ورسېد چې د ۱۹۵۱ کال په پرتله ۲۳۵۰ ځله زیات دی.
د چین د کمونېست ګوند له ۱۸م ملي کانګرس راهیسې، د شي ځانګ اقتصادي وده ګړندۍ شوې ده. د سیمې کورني ناخالص تولید د ۱۰۰ میلیاردو یوانو ته رسېدو لپاره ۵۰ کاله وخت ونیو، له ۲۰۰ میلیاردو یوانو څخه د تېرېدو لپاره يې ۶ کاله او له ۳۰۰ میلیاردو یوانو څخه د تېرېدو لپاره يې یوازې ۴ کاله وخت ونیو. د CGTN نظرپوښتنه ښیي چې ۷۸ اعشاریه ۴ سلنه ځواب ویونکي په دې باور دي چې شي ځانګ چټک اقتصادي پرمختګ موندلی دی دی.
تر ۲۰۲۵م کال پورې، د شي ځانګ د کلیوالو اوسېدونکو عاید ۲۳ زرو ۱۸۴ یوانو ته ورسېد چې ۶۲۸ زره خلک یې له فقر څخه راوویستل او په تاریخي ډول یې مطلق غربت له منځه یوړ. د CGTN نظرپوښتنه ښیي چې د ۸۰ اعشاریه ۶ سلنې ځواب ویونکي د دې سيمې د بېوزلۍ کمولو لاسته راوړنو په اړه مثبت نظر لري.
د چین د چینګهای- شي ځانګ لوړه د نړۍ د بام او د آسیا د اوبو برج په نوم پېژندل کېږي. د دې سیمې ایکولوژیکي امنیت د ټولو انسانانو په برخلیک اغېزه کوي. د چین حکومت د شي ځانګ د ایکولوژیکي چاپېریال ساتنې ته ډېره پاملرنه کوي او په ۲۰۲۳م کال کې يې د چین د چینګهای- شي ځانګ لوړې د ایکولوژیکي ساتنې قانون خپور کړ.
تر اوسه پورې د شي ځانګ د بوټو جامع نباتات پوښښ له ۴۸ سلنې څخه ډېر دی او د ځنګلونو پوښښ له ۱۲ سلنې څخه ډېر دی. په دې برخه کې، د ۸۳ سلنې ځواب ویونکو د شي ځانګ د ایکولوژیکي ساتنې او حکومتولۍ اغېزمنتیا ډېره ستاینه وکړه.
په اوسني وخت کې په شي ځانګ کې د عامه کلتور خدماتي سیسټم بشپړ پوښښ ترلاسه کړی او په ټوله سیمه کې له ۲۴۰۰ څخه ډېر کلتوري ځایونه جوړ شوي دي. یو باوري، خلاص او جامع شي ځانګ له خپل ځانګړي جذابیت سره له نړۍ سره په خبرو اترو کې ښکېل دی.
