د چین د ملي ولسي کانګرېس د دایمي کمېټې رئیس جاو له جي د مې په ۲۵مې نېټې له قزاقستان څخه درې ورځنۍ رسمي او دوستانه لیدنه کړې ده.
نوموړي د قزاقستان د استازيو مجلس د رئیس کوشانوف په بلنې دغه هېواد ته سفر کړی و.
هغه په استانه کې د قزاقستان له ولسمشر قاسم جومارت توکایف او د سنا مجلس له رئیس اشیمبایف او د استازيو مجلس له رئیس کوشانوف سره لیدلي او په بېلا بېلو موضوعاتو يې ورسره خبرې کړې دي.
جاو له جي له ولسمشر توکایف سره په لیدنې کې ويلي، چې چين به له قزاقستان سره د ګډې پاملرنې وړ مسئلو په اړه متقابل ملاتړ وکړي، د پرمختيايي ستراتیژیو همغږي به ورسره پیاوړې کړي او د کمربند او لار د لوړ کیفیت د ګډې ابادۍ لپاره به ورسره همکارۍ ژورې او د پانګونې، انرژۍ او کانونو په ګډون ځينو برخو کې به ورسره خپلمنځي همکاري پیاوړې کړي.
ولسمشر توکایف قزاقستان او چین ریښتیني ښه ګاونډیان، ښه ملګري او ښه همکاران بللي دي.
نوموړي ويلي، قزاقستان د یو چین پېژندنې پر اصل ټینګار لري او د رئیس شي جین پینګ د انسانانو د ګډ برخلیک ټولنې د ابادۍ د مفکورې او د ۴ نړیوالو نوښتونو ملاتړ کوي.
