د خوړو د امنیت په تړاو د ایپېک د وزيرانو ۱۱مه غونډه د اګست په ۲۵مې نېټې د چين د جه جيانګ ولایت په هانګ جو ښار کې ترسره شوه.
دغه غونډه په روان کال کې د اسيا او ارام سمندري سيمې د کرنې په سکتور کې د وزيرانو په کچه له ډېرو لوړپوړو او پراخو غونډو څخه یوه وه، چې عمده منځپانګه يې د کرنيزو علمي ټيکنالوژيکي نوښت په څېر پر ځينو موضوعاتو ورټوله وه، یو شمېر مهمې پايلې پکې ترلاسه شوي او د سيمه يیزو همکاريو لپاره يې اداري بنسټ ټينګ کړی دی.
د غونډې په يوې ګډې اعلاميې کې راغلي، چې د اسيا او ارام سمندر سيمې د نړۍ د خوړو د تولید او مصرف د مرکز په توګه د نړیوال خوراکي امنیت لپاره مهمه ونډه اخیستې او د وروستیو ننګونو پر وړاندې يې خپل انعطاف ښودلی دی.
اعلامیې د نوښت په خوځښت د کرنې او خوړو د سیسټمونو بدلون او اړوندې پانګونې ډېرې اړينې بلل شوي او له ټولو اقتصادونو څخه پکې غوښتنه شوې، چې د خوړو د امنيت په برخه کې همکاريو ته دوام ورکړي، څو د خوړو کیفیت او تولیدي کچه، موثریت او انعطاف تقويه شي.
