پنټاګون؛ په زابل کې؛ د خپل یوه وژل شوي سرتېري په اړه معلومات خپاره کړل

پنټاګون وايي، چې ۳۱ کلن ډوسټین آرډ په زابل کې د یو لړ عملیاتو پر مهال لومړی ټپي شو او وروسته یې د سختو ټپونو له امله سا ورکړه. په پنټاګون کې سرچینو نیوز ویک ته ویلي چې آرډ یو پیاوړی افسر و چې په ځانګړو ځواکونو کې یې دنده ترسره کوله او تر ډېره یې په پېچلو عملیاتو کې برخه اخیسته. دی د هغه الوتکې د سپرلۍ له ډلې وو، چې په زابل کې د عملیاتو په موخه ښکته شوي وو. نوموړی د درېیم ځل لپاره افغانستان ته راغلی و. دا په څه کم درېیو اونیو کې د امریکا درېیم عسکر دی چې په افغانستان کې وژل کېږي. تر دې څو ورځې وړاندې په فاریاب کې هم د امریکا دوه عسکر په یوه نښته کې وژل شوي وو، روان کال د وژل شويو امريکايي سرتيرو شمير ۱۷ کسانو ته ورسيد.