واشنګټن پوسټ: د خبرو لغوه کېدو لامل د پومپیو او بولټن اختلاف دی

امریکایي ورځپاڼې واشنګټن پوسټ له طالبانو سره د سولې خبرو په اړه خپاره کړي مطلب کې لیکلي، له دې ډلې سره د سولې خبرو لغوه کېدو لامل کابل کې وروستی برید نه بلکې د امریکایي حکومت خپلمنځي اختلافات دي. یادې ورځپاڼې زیاته کړې، دا خبرې ځکه درېدلې دي چې د امریکا د بهرنیو چارو د وزیر مایک پمپیو او د ملي امنیت د سلاکار جان بولټن ترمنځ اختلافات رامنځته شوي دي. د ورځپاڼې په باور، له طالبانو سره د روانو خبرو په اړه ډېرو چارواکو شک درلود، خو اوس پر دې خبرې باور مخ په ډېرېدو دی چې جان بولټن پر پومپیو تور پورې کړی دی چې نوموړی يې له دې بهیره لرې ساتلی. په ورته وخت کې نیویارک ټایمز ورځپاڼې بیا ویلي چې دا خبرې ځکه ودرول شوې چې طالبانو د امریکا شرطونه نه منل.