د ټرمپ پر څرګندونو د روسیې غبرګون؛ هیله ده د سولې خبرې بیا پيل شي او مثبته پایله ولري

روسیې د ټرمپ له لوري د مذاکراتو پر لغوه کېدو غبرګون ښودلی دی. د افغانستان لپاره د روسیې د ولسمشر ځانګړي استازي ضمیر کابلوف ویلي، د امریکا له لوري د خبرو درول یوه منفي نښه ده، خو د پمپیو څرګندونې بیا هيله بښونکي دي. نوموړي ویلي روسیه ددې ملاتړې ده چې په افغانستان کې روانه جګړه د خبرو له لارې حل شي خو د ټرمپ دغه ډول څرګندونې سیاسي هڅې له منځه وړي. کابلوف ویلي دوی هڅه کوي له امریکا سره د افغانستان او په دغه هېواد کې د سولې پر راتګ خبرې وکړي خو ددغه خبرو او اړیکو دقیقه نېټه یې نه ده په ډاګه کړې. دده په خبره د افغانستان په اړه به اړیکې او خبرې دوام لري خو اوس دا نه شي ویلی چې کله به له امریکایي لوري سره پر دې موضوع خبرې وکړي. نوموړي هیله څرګنده کړې چې د طالبانو او امریکا ترمنځ مات شوي مذاکرات بېرته له سره پيل شي.