په ملګرو ملتونو کې د ایران استازي ویلي چې دوی د افغانانو په مشرۍ او مالکیت د سولې له پروسې ملاتړ کوي. د مجید تخت روانچي په وینا نړیوال او سیمه ییز هېوادونه باید ددې زمینه برابره کړي چې افغانان پخپله د سولې خبرې مخ ته یوسي او په دې توګه په دغه هېواد کې دایمي ثبات رامنځ ته شي. دده په خبره د سولې خبرې باید د افغانانو په مشرۍ، مالکیت او کنټرول ترسره شي او په هر ډول هڅو کې باید افغان حکومت او افغانان مرکزي رول ولري. تخت روانچي دغه راز وایي چې له دې پرته به په افغانستان کې رښتینې او د افغانانو په خوښه سوله رانه شي او دغه هېواد به د یوې بلې جګړې په ډګر بدل شي. هغه د سولې په برخه کې د افغان حکومت رول مهم بللی دی او په وینا یې نړیوال باید د سولې په برخه کې د حکومت رول مرکزي کړي او ددې رول ملاتړ دې وکړي.
ایران: افغانان باید د سولې په هره هڅه کې مرکزي رول ولري
Get real time update about this post categories directly on your device, subscribe now.
- Trending
- Comments
- Latest
