تېر کال له ایران څخه زرګونه افغانان هېواد ته راستانه شوي

د کډوالۍ نړیواله اداره وايي، د روان ۲۰۱۹ کال له جنورۍ میاشتې څخه تر دې مهاله له ایران څخه ۳ لکه ۱۵ زره ۳۴۳ تنه افغان کډوال خپل هېواد ته ستانه شوي دي. دغې ادارې ویلي، چې د یادو کډوالو تر نیمايي زیاته برخه یې په زوره له ایران څخه افغانستان ته شړل شوي دي. د کډوالۍ نړیوال سازمان تېره ورځ په خپل راپور کې ویلي، چې د روان ۲۰۱۹ کال د جنورۍ له پیل څخه بیا تر دا مهاله یولک ۳۷زره ۹۰۷ افغان کډوال له ایران څخه په داوطلب او یولک ۷۷زره ۴۳۶ تنه یې په زوره خپل هېواد ته شړل شوي دي. د دې ادارې راپور وايي، چې د روانې سپټمبر میاشتې له لومړۍ نېټې څخه بیا د یادې میاشتې تر۷مې نېتې۱۱زره ۲۶۳ تنه افغان کډوال له ایران څخه ایستل شوي، چې ۴۶۵۸ تنه یې په داوطلب او ۶۶۰۶ تنه یې په زوره ایستل شوي دي. د کډوالو او ستنېدونکو چارو وزارت چارواکو په وینا روان کال تر ټولو زیات افغان کډوال له ایران څخه افغانستان ته ستانه شوي دي.