یوازې ۱۴سلنه روغتیايي مرکزونه اساسي خدمات وړاندې کولی شي

په افغانستان کې یوازې ۱۴ سلنه روغتیایي مرکزونه خلکو ته اساسي روغتیايي خدمات وړاندې کولای شي. په هیواد کې د روغتیایي خدماتو په تړاو د عامې روغتیا او یوه نړیوال بنسټ له لوري د ترسره شوې سروې پایلې ښيي، چې په ډیری ولایتونو کې روغتیایي مرکزونه اړین او معیاري خدمات نه لري او ناروغان له جدي ستونزوسره مخ دي. د دې سروې پر اساس، یوازې ۱۴ سلنه خلکو ته په هیواد کې اساسي روغتیایي خدمات وړاندې کیږي. عامې روغتیا وزارت وایی، دغه سروې له دوی سره مرسته کوي چې وکولای شي ستونزې او ننګونې په نښه او راتلونکی کال یې د حل لپاره اساسي اقدام وکړي. چارواکي وایي، سږ کال د نورو کلونو په پرتله تنفسي ناروغۍ زیاتې شوې او یوازې په تېرو دوه اونیو کې د دې ناروغیو له امله د۱۷ کسانو مړینه تایید شوې ده.