ښکېل لوري باید په افغانستان کې د تاوتریخوالي د کموالي لپاره هڅه وکړي. په افغانستان کې د امریکا پخواني سفیر جیمز کننګهم په یوه مرکه کې ویلي، په افغانستان کې ټول اړخونه وایي چې جګړه او تاوتریخوالی باید کم شي. دده په خبره د ټولو ښکېلو لورو مسوولیت هم دا دی چې د تاوتریخوالي کمولو لپاره هڅه وکړي. نوموړي دغه راز هیله څرګنده کړې ده چې د طالبانو او امریکا ترمنځ د سولې هوکړه د افغان حکومت او طالبانو ترمنځ هوکړې ته زمینه برابره کړي. کننګهم دغه راز وایي چې د افغانستان د سولې مسئله مهم پړاو ته رسېدلې ده. دده په خبره سره له دې چې د هوکړې جزیات له چا سره نه دي شریک شوي خو ستره موخه یې دا ده چې په دغه هېواد کې روانه اوږده جګړه ختمه شي.
جیمز کننګهم: د تاوتریخوالي کمول د ټولو ښکېلو لورو مسوولیت دی
Get real time update about this post categories directly on your device, subscribe now.
- Trending
- Comments
- Latest
