د پاکستان پارلمان: خان باید پوه شي چې تر افغان سولې کشمیر لومړیتوب لري

د پاکستان پارلمان وایي تر افغانستان کشمیر لومړیتوب ورته لري. د پاکستان د پارلمان مشرې شېري رحمان پارلمان ته د وینا پر مهال ویلي چې پاکستاني چارواکي د هېواد د مسایلو په اړه شفاف ګامونه نه اخلي. د نوموړې په وینا لومړي وزیر له ټرمپ سره د کشمیر پر ځای د افغانستان پر سوله خبرې کړې دي. رحمان وایي پاکستان ته تر افغانستان کشمیر لومړیتوب لري او د عمران خان حکومت ته په کار ده چې د پاکستان اصلي سیاستونه وپېژني. د نوموړې په خبره د پاکستان د حکومت تګلاره دا ده چې په کشمیر کې باید سوله تامین کړي او د خلکو له حقوقو دفاع وکړي. تر دې وړاندې هم ګڼو پاکستاني چارواکو ویلي وو افغانستان ته به هله امنیت راځي چې کشمیر امن شي. دوی د افغانستان مسئله د کشمیر له مسئلې سره تړي.