ایران وایي له افغانستان سره د اړیکو په پراختیا کې نوی باب پرانیزي. د ایراني حکومت یوه لوړپوړي پلاوي له ولسمشر غني سره د لیدنې پر مهال ویلي، دوی دې ته لیواله دي چې د افغانستان او ایران ترمنځ تګ راتګ ډېر شي او په دې توګه د دواړو لورو په اړیکو کې یو نوی باب پرانیستل شي. د ایران د بهرنیو چارو وزارت ځانګړي استازي ابراهیم طاهریان ویلي، هیله لري چې افغانستان هم له خپل لوري یو پلاوی وګوماري او دغه پلاوی به ایران ته سفر کوي څو د دوه اړخیزو اړیکو پر پراختیا خبرې او بحثونه ولري. طاهریان له یوه کال راهیسې د افغانستان په چارو کې د ایران ځانګړی استازی ګومارل شوی او وایي هڅه کوي د دواړو هېوادونو ترمنځ اړیکې پراخې شي. دغه تګ راتګ داسې مهال ډېرېږي چې امریکا په افغانستان کې د ایران له مداخلو او فعالیتونو اندېښنه لري.
ایران: له افغانستان سره د اړیکو نوی باب پرانیزو
Get real time update about this post categories directly on your device, subscribe now.
- Trending
- Comments
- Latest
