عبدالله: تر خبرو مخکې شرطونه سولې ته د نه ژمنتیا مانا لري

اجراییه رییس عبدالله عبدالله وایي، له طالبانو سره د خبرو تر پیل مخکې شرطونه سولې ته د نه ژمنتیا مانا لري. نوموړي نن د وزیرانو شورا ته ویلي، له طالبانو سره د بین الافغاني خبرو پیل لپاره د تاوتریخوالي پام وړ کموالی یو غوره ګام دی. عبدالله په داسې حال کې له طالبانو سره له قید او شرط پرته خبرو باندې ټینګار کوي چې ولسمشر غني ویلي، طالبان باید د بین الافغاني خبرو تر پیل مخکې اوربند وکړي. په ورته وخت کې عبدالله په کابل کې د امریکا سفارت له لوري خپرې شوې خبرپاڼې ته په اشارې، چې ویلي یې دي افغان حکومت دې ژر تر ژره د بین الافغاني خبرو پیل لپاره یو ټول منلی پلاوی وټاکي ویلي، اوس د شرطونو اېښودل تر وخت مخکې خبره ده خو په وینا یې دا په دې مانا نه ده چې دوی له مقابل لوري سره د خبرو په جریان کې شرطونه نلري.