ولسمشر غني: نور به له افغان ځواکونو شخصي ګټه نه اخیستل کېږي

ولسمشر غني ویلي، له دې وروسته به له افغان ځواکونو څخه په شخصي رقابتونو کې ګټه نه اخیستل کېږي. نوموړي دا څرګندونې نن په ارګ کې، د کابل قرباغ او کلکان ولسوالیو له مشرانو سره په خبرو کې کړې دي. هغه د دواړو ولسوالیو مشرانو ته دغه راز ویلي چې د قرباغ امنیت ته به ځانګړې پاملرنه کېږي. ولسمشر غني له امنیتي ځواکونو په شخصي توګه د ګټې اخیستنې خبره وروسته تر هغه کوي چې د ولسمشریزو ټاکنو پر مهال د نوموړي نږدې رقیب عبدالله عبدالله او یو شمېر نورو نوماندانو وویل چې ولسمشر غني له افغان ځواکونو څخه شخصي استفاده کوي.