د هېواد پخواني ولسمشر حامد کرزي د افغان جګړې د ختمولو په اړه د امریکا د ولسمشر ډونالډ ټرمپ د وروستیو څرګندونو هرکلی کړی دی. د پخواني ولسمشر له مطبوعاتي دفتره په خپرې شوې خبرپاڼه کې راغلي، د افغانانو لپاره چې د روانې جګړې له امله یې ډېر کړاوونه ګاللي دي، د جګړې ختمېدل او د سولې ټینګښت حیاتي مسئله ده. نوموړي هیله څرګنده کړې چې د امریکا ولسمشر به پر افغانانو د تپل شوې جګړې د ختمولو لپاره اغېزمن او ګړندي ګامونه پورته کړي. خبرپاڼه کې د نوموړي له قوله لیکل شوي، په ډاډ سره ویلی شي چې افغانان به د امریکا د داسې مسوولانه کړنو پوره ملاتړ وکړي چې په پایله کې یې افغانستان ته تل پاتې او سراسري سوله او ثبات راشي.
حامد کرزي؛ د جګړې ختمولو په اړه د ټرمپ د څرګندونو هرکلی کړی
Get real time update about this post categories directly on your device, subscribe now.
- Trending
- Comments
- Latest
