ګوتریش په پاکستان کې؛ د افغان کډوالو په اړه جوړه شوې غونډه کې ګډون کوي

د ملګرو ملتونو عمومي منشي د افغان کډوالو په اړه په جوړېدونکې غونډه کې د ګډون لپاره اسلام اباد ته تللی دی. د پاکستانی رسنیو د راپورونو له مخې انتونیو ګوتریش به په دې کنفرانس کې د افغان کډوالود اوسني وضعیت او راتلونکې په اړه بحثونه ولري. په غونډه کې د نږدې شلو هېوادونو او نړیوالو بنسټونو استازو ګډون کړی دی. دغه کنفرانس د پاکستان د بهرنیو چارو وزارت له لوري جوړ شوی دی چې سبا پیلېږي او ددوو ورځو لپاره دوام کوي. دا پاکستان ته د ګوتریش لومړی سفر دی او پر نورو مسایلو به هم له پاکستاني چارواکو سره خبرې کوي. ویل کېږي چې پاکستان غواړي د افغان کډوالو په بهانه له نړیوالو مرستې جذب کړي او خپل ګوډ مات اقتصاد کې سم سمکی راولي.