روان کال بغلان کې ۶ زره سمنټي ستنې تولید شوي

د  بغلان د برېښنا د ستنو جوړولو فابریکې مسوولین وايي، چې په بېلابېلو اندازو کې یې د روان کال له پیله تراوسه شپږ زره د برېښنا ستنې تولید کړې دي. د بغلان د ستنو جوړولو فابریکې آمر نقیب الله نظري وايي، چې په ۱۴۰۲ کال کې ورته د ۵۰۰۰ ستنو جوړولو پلان ورکړل شوی  وو، خو دغه آمریت توانیدلی چې شپږ زره ستنې تولید کړي. نظري زیاتوي، چې دغه فابریکه ۱۲،۱۰ او ۱۵ متره د برېښنا ستنې تولیدوي او په راتلونکي ۱۴۰۳ کال کې هڅه کوي، چې د ورکړل شوي تولیدي پلان څخه چې نهه زره ستنې دي زیاتې ستنې تولید کړي. په دې فابریکې  کې ۱۰۰ کسان په دندو بوخت دي او کارکوونکي یې وايي، چې په پوره ویاړ سره په دې فابریکه کې کار کوي او هڅې يې دادي څو نور هم د تولیداتو کچه لوړه شي.