یونسف: افغانستان کې لا هم پر ښوونځیو بریدونه کېږي

یونسف ویلي، ۲۰۱۷ م کال کې ۶۸ بریدونه پر ښوونځیو شوي و چې ۲۰۱۸ م کال کې دغه شمېر بیا ۱۹۲ ته لوړ شوی دی. یونسف دا هم څرګنده کړې چې دا رقم له ۲۰۱۵ م کال څخه راپد ېخوا تر ټولو لوړه ده. د یونسف اجرایوي مشر هنریتا فور ویلي، افغانستان کې زده کړې تر برید لاندې دي. فور ویلي، پر ښوونځیو بریدونه، وژنې، ټپیي کېدل او همداراز د استادانو برمته کېدل، هغه ګواښونه دي چې نه یوازې زده کړې زیانمنې کړي بلکې د یو نسل ټول خوبونه له منځه وړي او له زرو څخه زیات ښوونځي افغانستان کې د نا امنیو له امله تړل شوي دي. یونسف په ډاګه کړې چې کېدای شي د بریدونو د زیاتېدو یو اصلي لامل دا وي چې په ۲۰۱۸ م کال کې ښوونځي د پارلماني ټاکنو د رایو اچولو لپاره کارېدل. یونسف اندېښنه څرګنده کړې چې کابو ۳.۷ میلیونه ماشومان رسمي ښوونځیو ته لاسرسی نه لري.