کورنيو چارو وزارت وايي چې نن سهار د کابل ښار په یکه توت سيمه کې د بهرنيو ځواکونو پر کاروان موټربم چاودنه شوې چې څلور عام وګړي په کې وژل شوي او شپږ نور ټپيان دي. د دغه وزارت وياند نصرت رحيمي وايي چې د نهمې حوزې اړوند په یکه توت سيمه کې نن سهار اته بجې او ۴۰ دقیقې د بهرنيو ځواکونو پر کاروان موټربم چاودنه شوې ده. ده زياته کړه، په دې پېښه کې څلور ملکي وګړي وژل شوي او شپږ نور ټپیان دي. نوموړي د بهرنيو ځواکونو د مرګ ژوبلې په اړه وويل چې په دې اړه خپله هغوی معلومات ورکوي. د کابل د امنيې قوماندانۍ وياند فرامرز فردوس وايي، چې دغه چاودنه د ټونس موټر په وسيله د کابل- جلال اباد پر عمومي سړک شوې ده. وسله والو طالبانو د دې بريد مسووليت منلى دى. د دې ډلې وياند ذبيح الله مجاهد ادعا کړې چې په دې پېښه کې يې د بهرنيانو دوه موټر له منځه وړي او لس پوځيان يې وژلي دي.
کابل کې چاودنې لسو تنو ته مرګ ژوبله واړوله
Get real time update about this post categories directly on your device, subscribe now.
- Trending
- Comments
- Latest
