خوست ولایت ته د ډيورنډ فرضي کرښې له پورې غاړې شمالي وزیرستانه تازه راغلي کډوال بېړنیو مرستو ته اړتیا لري. له شمالي وزیرستانه راغلي کډوال وایي، د پاکستان د ظلمونو له امله دې غاړې ته را اوښتي دي. دوی وایي پاکستان شمالي وزیرستان کې عملیات پیل کړي دي. راغلي کډوال وایي، اوس هم له وزیرستانه د خوست ګلان کمپ ته د کډوالو د راتګ لړۍ روانه ده. دوی دغه راز وایي چې اوسمهال دلته بېړنو مرستو ته سخته اړتیا لري، ځکه دوی خپل ډک کورونه پرېښي او دې غاړې ته راوښتي دي. د خوست ولایت د کډوالو رییس محمد هاشم حلیمي وايي خوست ته له شمالی وزیرستانه د تازه راغلو کډوالو د ثبت چارې پیل شوې او د راجسټرد معلوماتو پر بنسټ شمیر یې نږدې ۱۶ سوه کورنیو ته رسیږي.
خوست ته له وزیرستانه راغلي کډوال مرستو ته اړتیا لري
Get real time update about this post categories directly on your device, subscribe now.
- Trending
- Comments
- Latest
