د بغلان اوسېدونکي: په شپنیو عملیاتو کې د ملکي خلکو خوندیتوب ته پام نه کېږي

بې پیلوټه الوتکې د بغلان ولایت مرکز پلخمري اړوند د کندز تیپې سیمه کې یوه کور باندې هوايي برید کړی دی. د سیمې اوسېدونکي وایي، چې په دې هوايي برید کې یوه میرمن وژل شوې او د ښځو او ماشومانو په ګډون پنځه تنه نور ټپیان دي. د وژل شوې میرمنې ورور وايي په سیمه کې جګړه نه وه، خو په قصدي توګه الوتکې په دغه کور هوايي برید کړی دی. د بغلان د ولایتي روغتون مسولین وایي د برید له ځایه پنځه ټپیان د درملنې په هدف ور وړل شوي دي، چې د دوو ټپيانو روغتیايي وضعیت نازک دی. د بغلان د والي ویاند وايي تراوسه له دې پېښې خبرنه دي، او داهم نه تاییدوي چې هوايي برید دې ملکیانو ته مرګ ژوبله اړولې وي خو وايي لاڅېړنو ته اړتیاشته څو دا معلومه شي چې دابرید چا او څنګه ترسره شوی دی. د بغلان اوسېدونکي وايي چې ډېری مهال د افغان ځوکوانو هوايي او شپنیو عملیاتو کې د ملکي خلکو خوندیتوب ته پاملرنه نه کېږي.