د فارياب چارواکي وايي چې د اندخوى ولسوالۍ په مرکز کې د ترافيکي پېښې له امله يو کس مړ او اته نور ټپيان دي. د اندخوى ولسوال سلطان محمد سنجر ته وويل چې دغه پېښه تېره ورځ مازيګر مهال د دوه کرولا موټرو د ټکر له امله رامنځ ته شوې ده. سرچينې وويل چې په دې پېښه کې نهه کسان ټپيان شوي وو چې وروسته يوه ماشوم د سختو ټپونو له امله په روغتون کې ساه ورکړه. سنجر زياته کړه چې مړى شوى ماشوم او څلور نور کسان د قرغان ولسوالۍ د امنيه قوماندان جنرال خدایداد د کورنۍ غړي دي او څلور نور د هغه بل موټر چې له جوزجان ولايت څخه اندخوى ته راته، سپرلي دي. د اندخوى د ترافکيو مدير ددې پېښې د تاييد ترڅنګ وايي چې د يادې پېښې اصلي عامل د جوزجان له لوري راتلوونکې کرولا وه. ده وويل چې د پېښې د عامل کرولا موټر چلوونکى غير نورمال و او نيول شوى دى.
فاریاب کې ترافیکې پېښې نهو کسانو ته مرګ ژوبله اړولې
Get real time update about this post categories directly on your device, subscribe now.
- Trending
- Comments
- Latest
