د بادغيس له جګړې؛ درې مړي او لس ټپيان روغتون ته لېږدول شوي

شد بادغيس ولايت په مرکز قلعه نو کې يو شمېر وسله وال يوې ودانۍ ته ننوتلي او دمګړۍ له امنيتي ځواکونو سره په جګړه بوخت دي. د یاد ولایت روغتیایي کارکوونکي وایي چې له دې جګړې تر اوسه درې مړي او لس ټپیان روغتونونو ته لېږدول شوي دي. دوی د مړو او ټپیانو د هویت په اړه څه نه دي ویلي. په ورته وخت کې د بادغيس د ولايتي شورا مشر عبدالعزيز بيک وايي، دوه ځانمرګي بريدګر چې غوښتل يې امنيې قوماندانۍ ته څېرمه چاودېدونکو توکو ته چاودنه ورکړي، د دولتي ځواکونو له خوا وژل شوي دي. هغه وايي چې دا مهال په سيمه کې د دولتي ځواکونو او بريد کوونکو ترمنځ نښته روانه ده. د بريد پړه طالبانو پر غاړه اخيستې ده.