د ملګرو ملتونو عمومي منشي: له تهدیدونو سره سره په ټاکنو کې د خلکو ګډون د ستاینې وړ دی

ملګرو ملتونو په ولسمشریزو ټاکنو کې د خلکو د ګډون هرکلی کړی دی. د ملګرو ملتونو عمومي منشي انتونیو ګوتریش په تازه څرګندونو کې ویلي، افغانانو له ستونزو او امنیتي تهدیدونو سره سره په ټاکنو کې په پوره زړه ورتیا برخه واخیسته. دده په خبره دی په ټاکنو کې د خلکو د ګډون هرکلی او ستاینه کوي. نوموړي د ټاکنو په اوږدو کې ټول ترهګریز بریدونه هم غندلي دي او په خبره یې هېڅوک نه شي کولی چې عام وګړي له خپلو قانوني حقونو محروم کړي. نوموړي له امنیتي ګواښونو سره سره په ټاکنو کې د ګډون له امله د افغانانو زوړرتیا هم ستایلې ده او په وینا یې دا د ولسواکۍ د تمثیل لپاره ښه زېری دی.