عبدالله عبدالله: ټاکنې دویم پړاو ته نه ځي مونږ د لومړي پړاو کټونکي يو

ولسمشرۍ ټاکنو ته نوماند او اجراییه رییس عبدالله عبدالله نن په کابل کې یوې خبري ناستې ته په خبرو کې وویل، اوسنیو پایلو ته په کتو ټاکنې دویم پړاو ته نه ځي او په لومړي پړاو کې بریا د دوی ده. هغه زیاته کړې، ټاکنو کمیسیون باید له بایومټریک پرته رایې حساب نه کړي. نوموړي وویل، د دوی رایي ډېري دي خو په وینا یې، دا په دې مانا نه ده چې د درغلیو مخه دې نه نیول کېږي. هغه د ټاکنو کمیسیون په لیست کې د خلکو د نومونو پر نه موجودیت هم نیوکه وکړه او زیاته یې کړه چې په ځینو ولایتونو کې چارواکو هم په مستقیم ډول په ټاکنو پروسه کې مداخله کړې ده چې په خبره یې له هغوی سره به حساب کتاب کېږي. نوموړی دا څرګندونې په داسې حال کې کوي چې د دولت ساز ټیم لومړي مرستیال امرالله صالح بیا امریکا غږ ته ویلي چې بریا د دوی ده. په ورته وخت کې امریکا له ټولو نوماندانو غوښتنه کړې ده چې د پایلو تر اعلان مخکې دې د ځان په ګټه وړاندوینې نه کوي.