د هند د بهرنیو چارو وزارت وایي، دوی د سولې د ټولو اقداماتو هرکلی کوي خو ټولې ښکېلې خواوې په ځانګړې توګه د افغانستان منتخب حکومت باید د سولې په مذاکراتو کې شریک وي. ددغه وزارت ویاند راویش کومار ویلي، هغه خبرې پایلې ته رسېدلی شي، چې ښکېل اړخونه یې اساسي قانون او نورو قانوني واکونو ته درناوی ولري. دده په وینا افغانستان یو منتخب او قانوني حکومت لري چې باید د سولې په ټولو خبرو او فعالیتونو کې حاضر وي. راویش کومار زیاته کړې هند هم د هغو مذاکراتو او خبرو ملاتړ کوي چې د افغانانو په خوښه او مالکیت مخ ته لاړې شي. تر دې وړاندې څو ورځې مخکې د هند د بهرنیو چارو وزیر هم ورته څرګندونې کړې وې او په خبره یې یوازې د هغو خبرو هرکلی کوي، چې د افغانانو په مشرۍ او مالکیت مخ ته ځي.
د هند د بهرنیو چارو وزارت: ټولې ښکېلې خواوې باید د سولې په مذاکراتو کې ګډې کړل شي
Get real time update about this post categories directly on your device, subscribe now.
- Trending
- Comments
- Latest
