د نوماندانو شورا: درغلي کوونکي کمېشنران دې سلب صلاحیت شي

د ولسمشرۍ ټاکنو د نوماندانو شورا خبر ورکړی چې په نږدې راتلونکي کې به د ټاکنو د بحران د بدیل طرحه وړاندې کړي او وایي چې د ټاکنو کمېسیون هغه کمېشنران سلب اعتماد کوي چې د خلکو په رایو کې یې لاس وهنه کړې. د ولسمشرۍ ټاکنو د نوماندانو شورا د یوې خبر پآڼې په خپرولو سره ویلي، چې دغه شورا د رایو بیا شمېرل او د ټاکنو کمېسیون د طرزالمعلونو او لوایحو سره په جدي مخالفت کې ډېرې رایې مشخصې کړې او مردودې یې شمېري. د خبرپاڼې په یوه برخه کې راغلي، د ټاکنو خپلواک کمېسیون هغه کمېشنران چې د ولسمشرۍ نوماندانو له خوا ټاکل شوي وو، د ناوړه مدیریت او رایو کې د لاسوهنې له امله د باور وړ نه بولي او د ولسمشرۍ نوماندان حق نه لري چې دوی سلب صلاحیت کړي. د ولسمشریزو ټاکنو د نوماندانو شورا په افغانستان کې د ملګرو ملتونو د سازمان له نمایندګۍ او په کابل کې ددې نمایندګۍ له استازي تدامچي یامیاموتو غواړي چې د ټاکنو د سلامتیا په برخه کې د نړیوالو ارزښتونو او اصولو په رڼا کې بې طرفه رول ثابت او شکونه له منځه یوسي.