کمېسیون: شپږو ولایتونو کې لا هم د ټاکنو کمېسیون دفترونه تړلي دي

د ټاکنو خپلواک کمېسیون وايي، چې د ولسمشرۍ د یو شمیر نوماندانو د مخالفت سره سره، چې له امله یې لا هم په شپږو ولایتونو کې د رایو شمیرلو بهیر ځنډیدلی د رایو د بیا شمیرلو بهیر په ۲۵ ولایتونو کې مخ په بشپړېدو دی. د ټاکنو خپلواک کمېسیون یو ویاند میرزا محمد حقپرست وايي، چې تېره شپه د رایو بیا شمېرلو بهیر په ۲۱ ولایتونو کې بشپړ شو او ټاکل شوې، چې د نن ورځې ترپایه به دا بهیر په څلورو نورو ولایتونو کې هم بشپړ شي. حقپرست وايي، کمېسیون هڅه کوي، په دغو ولایتونو کې د اعتراض کوونکو سره د تفاهم له لارې د کمېسیون د ولایتي دفترونو دروازې بېرته پرانیزي او د رایو شمیرلو بهیر بشپړ کړي. د ټاکنو خپلواک کمېسیون د معلوماتو له مخې تراوسه د ۱۵ ولایتونو څخه د رايو بیا شمیرلو او تفتیش نتایج مرکزي دفتر ته رسیدلي دي.