اوچا: وروستیو سیلابونو ۲ زره کورنۍ زیانمنې کړې دي

د ملګرو ملتونو د بشري مرستو د همغږۍ اداره یا اوچا وايي، د افغانستان په جنوب او لویدیځ کې وروستیو سیلابونو شاوخوا دوه زره کورنیو ته زیان اړولی دی. د اوچا د راپور پر بنسټ، سیلابونو یوازې د کندهار ولایت په ارغنداب ولسوالۍ کې ۱۵۰۰ کورنۍ چې اکثره یې کوچیان دي زیانمنې کړي دي. اوچا په خپل راپور کې ویلي، په کندهار کې امنیتي ځواکونو زر تنه هغه کسان چې په سیلابونو کې بند پاتې وو، ژغورلي او خوندي سیمو ته یې لېږدولي دي. په ورته وخت کې په لویدیځ کې د فراه ولایت د حنیف‌ اباد، شیخ اباد او اناردره ولسوالۍ سیلابونو سختې ځپلې او خلکو ته یې درانه زیانونه اړولي دي. راپور وایي، سیلابونو دغه راز د هرات ولایت په شین‌ډنډ، زاول، زیرکوه، پشتون‌زرغون او اوبه ولسوالیو کې هم تر ۵۰۰ کورونه ویجاړ کړي دي