د هرات ولایت د ښاروالۍ مسوولینو خبر ورکړی، چې د دغه ولایت په بېلابېلو برخو کې د ښار د روښنايي په موخه د يوې پروژې چارې پيل شوې دي. د مسوولینو په خبره د ښار په څلورمه، پنځمه، شپږمه دولسمه او دیارلسمه ناحیه او د ښار په عمومي سړکونو کې د ۴ میلیونه ۶۹۶ زره افغانیو په لګښت د ښار د روښنايي په موخه د يوې پروژې چارې پيل شوې دي. چارواکي وايي چې دا پروژه به د ښار د سړکونو روښانه کولو، د شپې امنیت او د خلکو تګ راتګ کې اسانتیاوې رامنځته کړي.



































