امریکایي سناتوران: ژر تر ژره دې په افغانستان کې اوږده جګړه ختمه کړل شي

امریکايي سناتوران وایي د ټرمپ حکومت دې ژر تر ه په افغانستان کې روانه جګړه ختمه کړي. د امریکا د سنا غړو رانډ پال او ملګرو یې په تازه څرګندونو کې ویلي، چې په افغانستان کې د امریکا جګړه خورا اوږده شوه او اوس ددې وخت دی چې پای ته ورسول شي. د پال په خبره ژر به پر داسې یوه طرحه کاروکړي څو د امریکا حکومت اړ کړي، چې خپل سرتېري له افغانستان وباسي. دده په وینا د امریکا یو نسل په جګړو کې وزږېد رالوی شو، خو بې ګټې او بې هدفه جګړه لا هم په افغانستان کې روانه ده. هغه زیاته کړې، امریکايي سرتېري په افغانستان کې پر بې ګټې جګړه بوخت شوي دي، چې له امله یې پر خپل امنیت د امریکا تمرکز کم شوی دی. امریکایي سناتورانو تر دې وړاندې هم له امریکایي حکومت غوښتي وو، چې خپل ځواکونه دې له افغانستان وباسي.