واشنګټن ټایمز: امریکا مجبوره ده، چې افغان جګړه پای ته ورسوي

امریکا اړ ده، چې نور په افغانستان کې خپله اوږده جګړه پای ته ورسوي. واشنګټن ټایمز وایي، وخت ناوخت شوې سروې او نظر پوښتنې ښيي، چې ډېری امریکايي وګړي په افغانستان کې د امریکايي حکومت له جګړې سره مخالفت لري او په دغه هېواد کې د خپلو پوځیانو نظامي حضور نه غواړي. سرچینه زیاتوي نو له همدې امله امریکايي حکومت اړ دی، چې په افغانستان کې خپل نظامي حضور پای ته ورسوي او ددغه هېواد جګړې ته سیاسي حل پيدا کړي. واشنګټن ټایمز لیکي په افغانستان کې اوسنۍ جګړه بې هدفه روانه ده او دا نور د امریکايي مالیه ورکوونکو لپاره د زغملو وړ نه ده. تر دې وړاندې هم ګڼو امریکايي ورځپاڼو پخپلو راپورونو او مطالبو کې ورته مسایلو ته کتنه کړې ده. دوی په افغانستان کې د امریکا نظامي حضور د امریکایانو په زیان بولي او وايي چې په افغانستان کې په جګړه لګېدونکې پیسې باید په امریکا کې د امنیت او خلکو د هوساینې لپاره وکارول شي.