اجراییه رییس عبدالله عبدالله وایي، بهرنی سیاست له ملي ګټو سره تړلی بحث دی چې باید پکې له احساساتي برخورد او بې مسوولیته څرګندونو ډډه وشي. هغه چې نن یې په کابل کې یوې غونډې ته خبرې کولې وویل، امریکا د افغانستان د ثبات او بیا رغوونې په برخه کې د پام وړ همکاري کړې ده، دواړه هیوادونه له هر څه واضح تعریف لري او دواړه لوري هڅه کوي چې خپلې اړیکې لا پیاوړې کړي، نو افغانان دې په دې اړه هیڅ اندېښنه نه کوي. عبدالله دغه راز زیاته کړه چې په دې حساس پړاو کې باید له داسې څرګندونو په جدي ډول ډډه وشي چې د دواړو هېوادونو اړیکې زیانمنوي. نوموړي که څه هم په ښکاره د چا نوم وانخیست خو اشاره یې د ملي امنیت شورا د سلاکار حمدالله محب وروستیو څرګندونو ته وه چې ویلي وو امریکا دې په افغانستان کې خپله تګلاره روښانه کړي.
