د څېړنې او ارزونې اداره: د نشه یي توکو تولید به د سولې خبرې له خنډ سره مخ کړي

د څېړنې او ارزونې ادارې ” اې ار يي یو” د یوې تازه څېړنې له مخې د سولې په روانو خبرو کې په افغانستان کې د نشه یي توکو غیر قانوني تولید او د پام وړ اغیزې یې په بشپړه توګه له پام څخه غورځول شوي دي. د دې څېړنې له مخې په افغانستان کې د اپینو، چرسو او میټامفیټامین غیر قانوني تولید کیدای شي د افغان حکومت او وسله والو طالبانو ترمنځ احتمالي سیاسي موافقې ته رسیدل د خنډ سره مخ کړي. د ملګرو ملتونو د راپور له مخې په تېر ۱۳۹۷ لمریز کال کې د افغانستان د کورني ناخالص تولید لس سلنه یې د نشه یي توکو له تولید او کاروبار څخه ترلاسه شوې وو. د دغه راپور له مخې وسله والو مخالفاینو په ځانګړي ډول طالبانو هم په تېر کال کې تر څلوېښت میلیونو ډالرو پورې له نشه یي توکو څخه مالیه اخیستې وه. څېړنه ښيي، چې د کوکنارو کرکېلې په افغانستان ۵۰۰ زره کسانو ته د ۸۶۳ میلیونو ډالرو پورې عاید او د کار زمینه برابره کړې وه.