سوداګر: که امنیت ته مو پام ونشي خپلې پانګې به له هېواده بهر وباسو

افغان سوداګر اندېښنه لري چې امنیت ته یې پام نه کېږي، نه د دوی او نه یې د اولادونو ژوند خوندي دی. د ملي شورا غړي وايی په ټول افغانستان کې سوداګر له جدي امنیتي ګواښ سره مخ دي او که پام ورته ونشي د افغانستان پر ځای به نورو هېوادونو کې پانګونې وکړي. دوی له حکومت غواړي چې د سوداګرو د ژوند د خوندیتوب لپاره جدي تدابیر ونیسي. کورنیو چارو وزارت بیا په دې برخه کې د هرډول همکارۍ ژمنه کوي او وايي، دوی چمتو دي چې د خپلو سوداګرو امنیت ونیسي. د ولسي جرګې غړي وايي څومره چې ویل کېږي دومره امنیت نه دی خراب او افغان سوداګر باید په خپله خاوره کې پانګونه وکړي او ولس ته د کار زمینه برابره کړي. په دې وروستیو کې د ټول هېواد په کچه نا امني زیاته شوې چې ورسره د پانګه والو ژوند هم تریخ شوی دی.