دیني عالمان: حکومت مو په امنیت ساتلو کې پاتې راغلی

که څه هم افغان حکومت د سولې د روانې پروسې او له وسله والو طالبانو سره د جګړې په تړاو ډېره اتکا پر دیني عالمانو کوي خو د دیني عالمانو امنیت ته هېڅ پاملرنه، نه کېږي. یو شمېر دیني عالمان وايي د تېرو څو کلونو په اوږدو کې دیني عالمان هدف ګرځېدلي، ترور کېږي او په هوايي بمباریو کې وژل کېږي چې حکومت یې پر وړاندې چپ دی. دیني عالمان وايي پر مقدصو ځایونو او دیني عالمانو بریدونه حرام دي او هېڅ منتطق د عمل مشروع نه ګڼي. په ورته وخت کې یو شمېر سیاسي احزاب د دیني عالمانو پر وژل کېدو اندېښنه ښيي او وايي حکومت دې د دیني علماوو امنیت ته جدي پام وکړي. د سیاسي چارو شنوونکي هم د علماوو پر وژل کېدو اندېښنه ښيي او د دیني عالمانو وژل کېدل لویه ضایع یادوي، دوی پر حکومت نېوکه کوي چې نه یوازې د دیني علماوو د امنیت په ساتلو کې بې غوري کوي بلکې د عامو خلکو امنیت ته هم پام نه کېږي.