محمود قریشي: د افغان جګړې ښکېل لوري دې خبرو ته نرمښت وښيي

پاکستان وایي په افغانستان او سیمه کې د سولې په تامین کې همکاري کوي. د پاکستان د بهرنیو چارو وزیر محمود قریشي ویلي دوی د ټرمپ له دې څرګندونو هرکلی کوي چې غواړي افغان جګړه له سیاسي لارو حل کړي. دده په خبره دغه تازه پرمختګونه د ټولې سیمې له ثبات او سولې سره مرسته کولی شي. نوموړي ویلي افغان جګړه یوازې له سیاسي لارو د حل وړ ده او د جګړې ښکېلو لارو ته په کار ده چې د خبرو لپاره نرمښت وښيي. قریشي زیاته کړې چې پاکستان په سیمه او افغانستان کې د سولې او ثبات په راتګ کې همکارۍ ته تیار دی. پاکستان تر دې وړاندې هم په ځلونو په افغان سوله کې د همکارۍ ژمنه کړې ده خو لا یې هم په رښتینې توګه د افغان جګړې په پای ته رسولو کې مرسته نه ده کړې او د جګړې یو ملاتړی لوری ګڼل کېږي.