د کندز امنیتي چارواکي وايي، د دغه ولایت په امام صاحب ولسوالۍ کې پر څو امنیتي پوستو د طالبانو برید کې ۹ پولیس وژل شوي دي. د کندز د امنیه قوماندانۍ ویاند انعام الدین رحماني وویل، چې یاد پولیس تېره شپه د طالبانو د برید پر مهال وژل شوي دي. نوموړي زیاته کړه، چې د افغان ځواکونو په متقابلو ډزو کې ۱۱ وسله وال طالبان هم وژل شوي دي. تېره اونۍ هم په امام صاحب ولسوالۍ کې د طالبانو د برید پرمهال دواړو لورو ته مرګ ژوبله اوښتې وه. بلخوا په کندز کې د ۲۱۷پامیر قول اردو چارواکي وايي، چې د یاد ولایت په دشت ارچي ولسوالۍ کې د هوايي برید پرمهال پنځه وسله وال طالبان وژل شوي او څلور نور ټپیان شوي دي.
کندز کې له طالبانو سره په نښته کې ۹ پولیس وژل شوي
Get real time update about this post categories directly on your device, subscribe now.
- Trending
- Comments
- Latest
