د غزني حکومتي چارواکي وايي چې د ماين د چاودنې له امله د ښځو او ماشومانو په ګډون لس ملکي وګړي وژل شوي او شپږ نور ټپيان شوي دي. د غزني د والي وياند محمد عارف نوري وويل، چې نن سهار د غزني ښار جغتو ولسوالۍ پر لويه لار د ملکي وګړو پر فلانکوچ موټر د ماين چاودنه شوې ده. د نوموړي په وينا په دغه چاودنه کې د يو ماشوم او څلورو ښځو په ګډون لس ملکي وګړي وژل شوي او شپږ نور ټپيان شوي دي. ده زياته کړه چې ياد شوي موټر له دايکندي ولايت څخه د غزني ولايت پر لور حرکت کړى و چې د لارې په اوږدو کې د ماين له چاودنې سره مخ شوى دى. نوموړي تور پورې کړ چې دغه ماين د وسله والو طالبانو له لوري ځاى پرځاى شوى وو. وسله والو طالبانو د يادې پېښې په اړه تر اوسه څه نه دي ويلي.
غزني کې ماین چاودنې ۱۶ تنو ته مرګ ژوبله اړولې ده
Get real time update about this post categories directly on your device, subscribe now.
- Trending
- Comments
- Latest
