د امریکا د کانګریس مشرې نانسي پلوسي په یوه خپره کړې اعلامیه کې د طالبانو او امریکا ترمنځ د سولې هوکړې د لاسلیک هرکلی کړی دی. نوموړې ویلي د سولې دغه هوکړه باید په افغانستان کې د دایمي ثبات، امنیت، پرمختګ او پیاوړتیا سبب شي. پلوسي وایي امریکا او ټول کانګریس د افغانانو تر څنګ ولاړ دی او د افغانستان ملاتړ ته ادامه ورکوي. پلوسي همدا راز ټینګار کړی چې ښځې باید د راتلونکو مذاکراتو برخه وي او دوی ته اجازه ورکړل شي چې خپلې خبرې وکړي. نوموړې د امریکايي ځواکونو ستنېدل هم غوره اقدام یاد کړی دی او په خبره یې اوس ددې وخت دی چې امریکايي ځواکونه له یوې اوږدې جګړې بېرته خپل هېواد ته ستانه شي.
نانسي پلوسي: امریکا د افغانانو او افغانستان ملاتړ ته ادامه ورکوي
Get real time update about this post categories directly on your device, subscribe now.
- Trending
- Comments
- Latest
