مارک ميلي: د سولې هوکړه به افغانستان ته دایمي سوله او ثبات راولي

د امریکايي ځواکونو لوی درستیز جنرال مارک ميلي په یوه خبري کنفرانس کې ویلي چې د سولې هوکړه یوه مهمه لاس ته راوړنه ده. دده په خبره د تاوتریخوالي په کموالي او سوله کې مهم پرمختګونه رامنځ ته شوي دي او دوی یې هرکلی کوي. مارک ميلي وايي سره له دې چې تاوتریخوالی صفر شوی نه دی، خو کمښت یې هم ددې لپاره مثبتې نښې نښانې دي چې افغان جګړه به ختمېږي. میلي دغه راز وایي د سولې هوکړې بله ګټه د امریکا لپاره دا وه چې سرتېري یې، ديپلوماتان یې، استخباراتي او نور کارکوونکي یې امن دي او پر دوی به بریدونه نه کېږي. نوموړي دغه راز ویلي چې د امریکا ددفاع وزارت به هم هر څه څاري او د خپلو سرتېرو په امنیت کې به خپل تدابیر ډېروي.